ဖျာပုံမြို့နယ်၊ အမာမြို့၊ နောက်မီးအုပ်စု၊ ဦးပေကျေးရွာမှ နေအိမ်တစ်လုံး၏ခေါင်မိုးပေါ်သို့ မီးစပစ်တင်ခြင်းခံရ

 

 

နေပြည်တော် ဖေဖော်ဝါရီ ၂၃

ဧရာဝတီတိုင်းဒေသကြီး၊ ဖျာပုံမြို့နယ်၊အမာမြို့၊ နောက်မီးအုပ်စု၊ ဦးပေကျေးရွာမှ ဦးမောင်မောင်ထွေး၏ နေအိမ်ခေါင်မိုးအား ဖေဖော်ဝါရီ ၂၁ ရက်တွင် မီးစပစ်တင်မှုဖြစ်ပွားခဲ့သည်။

ဖြစ်စဉ်တွင် ဦးမောင်မောင်ထွေးသည် ဖေဖော်ဝါရီ ၁၅ ရက်တွင် ၎င်းင်း၏နေအိမ်တွင် ညီမဝမ်းကွဲတော်စပ်သူ ဒေါ်မြင့်မြင့်အေးနှင့် အလုပ်သမားနှစ်ဦးအား အိမ်စောင့်အဖြစ်ထားရှိကာ အမာမြို့(၂)ရပ်ကွက်ရှိနေအိမ်သို့ ပြန်လာခဲ့ကြောင်း၊ ဒေါ်မြင့်မြင့်အေးသည် နေအိမ်၌ရှိနေစဉ် ဖေဖော်ဝါရီ ၂၁ ရက် ည ၇ နာရီ ၅၅ မိနစ်ခန့်တွင် နေအိမ်အနောက်ဘက်မှ လူတစ်ဦးသည် အိမ်ခေါင်မိုးပေါ်သို့   မီးစပစ်တင်ခဲ့သည်ကိုတွေ့ရှိရသဖြင့် လိုက်လံ ကြည့်ရှုရာ နေအိမ်ခေါင်မိုးပေါ်သို့ ရေနံဆီစွတ်ထားသော အလျား ၆ လက်မ၊ အနံ ၂ လက်မခန့်ရှိ အပြာရောင် ပုဆိုးစတွင် မီးလောင်လျက်ရှိပြီး နေအိမ်ခေါင်မိုးအား မီးစွဲလောင်နေသည်ကိုတွေ့ရှိသဖြင့် ပတ်ဝန်းကျင်အား အကူအညီတောင်းခံ၍ ဝိုင်းဝန်းမီးငြှိမ်းသတ်ခဲ့ကြောင်းနှင့် အဆိုပါမီးလောင်မှုကြောင့် နေအိမ်အမိုး မီးလောင် ပျက်စီးသွားခဲ့ကြောင်းသိရှိရသည်။

အဆိုပါမီးစပစ်ခံရမှုနှင့် ပတ်သက်၍အိမ်ပိုင်ရှင်ဖြစ်သူ ဦးမောင်မောင်ထွေးမှ မီးလောင်ကျွမ်းအောင်ပြုလုပ် သူအား ဥပဒေအရအရေးယူပေးနိုင်ရန် အမာမြို့၊ နယ်မြေခံရဲစခန်းသို့တိုင်ကြားခဲ့သဖြင့် ပြစ်မှုကျူးလွန်သူအား ဖမ်းဆီးရမိနိုင်ရေးအတွက် စီစဉ်ဆောင်ရွက်လျက်ရှိကြောင်း  သတင်းရရှိသည်။                               

 (၁၀၀)